யாழிக்கு கவிதைகள்

அவ்வளவு காமத்தை சுமந்து

அடித்துப் பிடித்து

கதழ்ந்து ஊர்ந்து

உன் அதரம் தொட முயல்கையில்;

"ச்சீ.. போடா.. 

இவ்வளவு நேரமா

நீ இங்க வர" 

என்று முகத்தைத் திருப்பிக் கொண்ட

அந்த கணத்தில்,

என் அத்துனை காமமும்

மடையிட்ட வெள்ளம் போல்

செய்வதறியாது திகைத்து

மெல்ல புறவழியில் கசிந்து

துளியும் இல்லாமல் வடிந்துவிட்டது.

இன்றும் கொடுக்கப்படவில்லை

எனக்கான அந்த கடைசி முத்தம்.