தலைவன் இருக்கிறான்

தலைவன் இருக்கிறான் - அவன்

காந்தியம் பேசுவான்

கம்யூனிசம் பேசுவான்

பொத்தாம் பொதுவாய் பொதுவுடமை

எனக் கூவாமல்

திராவிடம் வேண்டும் என்பான்

தேசியமும் நம் தேவை என்பான்

தேசியத்திலும் திராவிடம் உண்டு என்பான்

நட்சத்திர சிறைச்சாலையும்

நாட்டில் உண்டு என்பான்

ஊழல் நிறைந்த அரசு என்பான் - முட்டை

ஊழலை அரங்கிலும் ஏற்றுவான்

மாட்டு அரசியல் பேசுவான்

மாற்று அரசியலும் பேசுவான்

மருத்துவ முத்தம் பேசுவான்

மருத்துவமில்லா டெங்குவையும் பேசுவான்

எல்லாம் பேசுகிறீரே

மாணவர்களின் துயரம் தெரியாதோ என்றால்

படிப்பறிவு இல்லாததால்

'நீட்'டறிவு இல்லை என்பான்

வேட்டிக் கட்டிய தமிழன் தான்

ஆள வேண்டும் என்பான் - மறுநாளே

நான் மலையாளியும் ஆவேன் என்பான்

நீங்கள் குழம்பாதீர்கள்

பகுத்தறிவும் பேசுவான்

ஆகையால் பகுத்து அறியுங்கள்

அவனின் கீச்சுகளை 

வகுத்தும் அறியுங்கள்

இதையெல்லாம் பார்த்து

அரசியலுக்கு அவனை அழைக்காதீர்கள்

அவனுக்கு சுவைக்க தெரியும்

சமைக்க தெரியாது

புரியவில்லை எனில் 

புரிந்தவர்களிடம் கேளுங்கள்

புரிந்தது எனில்

புரியாதவர்களுக்கு புகட்டுங்கள்