ஒருவனும் மரணமும்

மீண்டும் விழித்தெழுந்து நீயில்லா
வெறுமையை உணர வேண்டியதில்லை

மீண்டும் விழித்தெழுந்து முதுமையை
உணர வேண்டியதில்லை

மீண்டும் விழித்தெழுந்து இவ்வுலகின்
மீதான கோபத்தை உணர வேண்டியதில்லை

மீண்டும் விழித்தெழுந்து என் வாழ்வின்
அணைத்து தவறுகளையும்
அசை போட வேண்டியதில்லை

மீண்டும் விழித்துதெழுந்து மீண்டும்
விழித்துவிட்டோமே என
கவலை கொள்ள வேண்டியதில்லை

ஆனாலும் தினம் தினம் வந்து நிற்கும்
மரண தேவனைப் பார்த்து
என் பேரனுடன் விளையாட
இன்னும் ஒரு நாள் தருவாயா என
கேட்டகவும் தவறுவதில்லை
                                   - சராசரி இந்தியன்